كلام فى الحب جامد جدى فيس بوك 2013
لكل عشاق الفيس بوك وكل الحبيبة فى كل مكان أحلى و اجمد كلام فى الحب و الفراق حزين للفيس بوك مصرى و خليجي آخر حاجة وبالصور كمان كلام حب جامد جدا حبيبتك مش هتحبك وبس هتدوب فيك هتتخطى مرحلة الحب وهتدخل فى العشق والغرام جميل ورومانسي احلى و اجمل الكلمات من الحبيب الولهان لحبيبتى عشق الزمان والمكان كلام فى الحب ينفع للفيس بوك ومواقع التواصل الاجتماعى كلنا كنا بنسمع برنامج أسامة منير لتعرف أحن الالحان من قلب عزيز ولهان .
معنى كلام فى الحب
يا جماعة أنتوا مش ملاحظين ان الكلام فى الحب و الكلام العاطفى و التعبيرات الرومانسية زاد جدا اليومين دول دى مش زادت وبس دى رطرطت كمان " حبيب قلبى ، روحى ، نور عينى ، واحشنى يا غالى ، أنت فينك يا قمر ، والنعمة الشريفة بموت فيك ، الكلام الحلو ده كله مكنش موجود فى قاموس حياتنا قبل كده ، والكلام ده مش بس بيقوله راجل لست لا راجل لراجل و ست لست و أى حد تقابله يقوم قايلك طقم حنية من اللى قلبك يحبه ومن غير أى مناسبة وساعات من غير سابق معرفة ، الشئ الغريب أن شلال الكلام فى الحب ده وتعبيرات الحب الفظيعة دى جاى فى وقت انتهى فيه الحب تماما والناس مبقتش طايقة بعضها والحقيقة ثورة الاتصالات والموبيلات اخترعتلنا طرق جديدة للتعبير عن الحب مسجات ورنات جاهزة لا تتعب دماغك ولا تفكر يدوب تدوس سند وصلت خلاص .
زكريات كلام فى الحب وأفلام الأبيض والأسود
كلنا طبعا فاكرين عبد الحليم حافظ و لبنى عبد العزيز فى فيلم الوسادة الخالية ومكالمات التليفون اللى كانت شغالة بينهم طول الليل ، ولبنى تقله بصوتها اللى يدوخ " اقفل بقه يا صلاح " وصلاح مش عايز يقفل ، كانت بتقول صلاح بطريقة خلتنى أعيد الثانوية العامة علشان أحسن مجموعى ، كان نفسي يبقى أسمى صلاح علشان حلاوة صلاح اللى بتقولها ، طبعا عبد الحليم ولبنى كانوا بيتكلموا بالساعات لأن مصحلة التليفونات أيامها كانت بتدفع فلوس لليتكلموا فى التليفون علشان يشجعوا الناس تتكلم .
كلام فى الحب اخر حاجة
النهاردة بقى هنستعرض قاموس لبعض الكلمات والألفاظ العاطفية الجديدة دخلت حياتنا بعد ظهور الموبيل تلاقى اللى بتكلمك فى نهاية الموبيل تقلك يلا باى إيه يلا باى دى يعنى هى مش قادرة تسيبك وبعدين طلعت حاجة جديدة سي يو بقى ، وظهرت قفلة جديدة تانى بعد ما تقعد تتكلم ثلاث ساعات من الكلام الرومانسي والكلام الفاضى والقبيح تقلك فى نهاية المكاملة لا إله إلا الله وطبعا لازم أرد محمد رسول الله طبعا ذكر الرسول عليه افضل الصلاة والسلام شئ جميل لكن إيه موقعها هنا ، وبعدين انا مش مسافر استراليا و لا رايح اعمل عملية جراحية ، اللى تكلمنى 19 مرة فى اليوم وفى اخر كل مكاملة تقلى لا اله الا الله .
مصطلحات والفاظ جديدة فى كلام فى الحب
خدوا دى كمان بعد يلا باى و سي يو و الحاجات دى فجأة قبل ما أقفل السماعة فى وجهها تقلى تيك كير ايه ، يعنى ايه تيك كير هى بتكلمنى وانا بأتسلق جبل المقطم وخايفة احسن أقع على جذور رقبتى ، ولا انا رايح أتخانق مع جماعة فى الدويقة وإحتمال م أرجعش ، تيك كير , خلى بالك من نفسك يعنى تيك كير من إيه بالظبط .
ظاهرة تانى دى غيظانى شوية لما تتصل بيا واحدة وأقوم رادد و اقول ألو تروح هى مخضوضة على طول وتقول مالك ماله صوتك مش عاجبنى طمنى عليك , أنا مقلتش غير ألو ، أحلفلها إنى كويس جدا ومفيش أى حاجة مش مصدقانى فكرانى مخبى عليها المصيبة اللى واقع فيها ، بليز قلى متخبيش عليا حاجة أروح انا اقلها والله مفيش أى حاجة دول شوية أنفلونزا تروح مصرخة أنت مروحتش ليه للدكتور لحد دلوقتى انت لازم تعمل شيك أب تروح مصوتة ، أنا بأقلها شوية أنفلونزا عادى مش أنفلونزا الطيور .
كلام فى الحب فى كل مكان
وعلى كده على طول بقيت شايف كل اللى حوليا نازلين حب فى بعض وخوف على بعض كله كلام حلو كله أحضان دافئة كل اللقاءات سبايسى لدرجة أحنا مش مكفينا عيد حب واحد فى السنة بقى عندنا اتنين فلانتين داى واحد فى فبراير وواحد فى نوفمبر أمال نودى الحب اللى عندنا ده كله فين ، وفى الأفراح تلاقى المعازيم نازلين رقص وزغاريد والعريس والعروسة فى منتهى السعادة بحب الناس ، بس لما تقرب شوية لأى ترابيزة واسمع هما بيقولوا ايه هتلاقيهم نازلين تقطيع فى فروة العريس والعروسة و اهلهم ، ولما تبقة داخل عزاء تلاقى كل اللى فى الهزاء نازلين عياط وبكاء شديد لدرجة النهنهة لدرجة انك متعرفش الميت ده قريب مين ، ولما تقرب لواحد منهم تلاقى بيقول لصاحبه سمعت أخر نكتة ونازلين ضحك بجد دلوقتى وانت فى الشارع حب فى حب وانت فى الجامعة كلام فى الحب وحتى فى المصالح الحكومية واخيرا اعزائى زوار فوكس نيو سي يو ، يلا باي .
0 التعليقات:
إرسال تعليق